Top 10

يشتهر الشعب السوري بحس الفكاهة والنكتة حيث توجد الكثير من النكت السورية المضحكة الشعبية الجميلة التي اشتهرت منذ القدم وتم تداولها داخل سوريا. مدينة حمص اشتهرت عبر العصور بالنكتة وإن أهل حمص يروونها حتى لو كانت تنال منهم ويجدون متعة في ذلك ويفسّرون الوصف بالجاذبية ولذلك استمرّوا في تأليف النكات عن أنفسهم لأنه تعبير عن ذكائهم ووسيلة لنقد المجتمع .
نقدم لكم في هذا المقال نكت تموت من الضحك نتمنى أن تضحك من قلبك.

• في واحد حمصي راح يخطب وحده , قالوله اهلها: والله البنت عم تدرس ، فاجاب: طيب برجع بعد نص ساعة.
• قال كان في واحد امريكي و واحد فرنسي و واحد حمصي مجتمعين. قال الامريكي: "نحنا حفرنا بكل مكان بامريكا قام لاقينا اشرطة تلفون وهذا دليل انو اجدادنا كانو بيستعملو التلفون. اقام قلو الفرنسي ونحنا كمان. قام قلو الحمصي ونحنا حفرنا بكل مكان بس ما لاقينا شي وهذا دليل انو اجدادنا كانو بستعملو الموبايل.
• حمصي أبوه عطاه كتب دين بعد اسبوع دخل على أبو وقللو: بابا،.بدي اتحجب.
• حمصي ومرتو تبنوا ولد من الهند وبلشوا يتعلموا هندي علشان لما يكبر يفهموا عليه.
• في واحد حمصي وقع بجورة صرخ: الحقوني، فوقع عشر حماصنة وراه.
• حمصي راح عالقاهرة، شاف واحد مصري قلو عنا بمصر بيجتمع مليونين مصلي بالجامع الازهر يوم الجمعة. الحمصي دبت الوطينة فيه وقلو: ونحنا بيجتمع بالجامع الاموي 6 ملايين مصلي يوم الجمعة. قلو المصري مستغربا: والنبي ! قال الحمصي: احيانا بيجي واحيانا لا.
• واحد حمصي إجاه ولد، ضل شهرين ما سماه؛ لأنو في واحد حلبي ضحك عليه وقلو: في أحرف جديدة نازلة.
• حمصي تحركش بوحدة . قالتله: اعطيني رقم تلفلونك. قلها: ايوا من أولها طلبات.
• راح تنين حماصنة عالبحر فقال واحد من بيناتون: اذا اشتعلت النار في البحر شو بدنا نساوي، قلو الثاني: مناكل سمك مشوي.
• حمصي سال رفيقو : ليش نشره الاخبار طويلة؟؟ قال : يمكن اليوم اخر حلقة.
• حمصي سألوه شو أحلى موقف بحياتك؟ قالهن: موقف الكراجات.
• في 2 حماصنة سهرانين على المصارعة المهم اشتدت المصارعة وكتروا المصارعين قام واحد منهم وطفى التلفزيون.قال الثاني: ليش طفيتوه يا خيي ؟ رد: والله لو ما طفيته كانوا تذابحوا.
• ليش الحمصي الصغير اذكى من الحمصي الكبير؟ لأنو ما الو زمان حمصي.
• ليش فترة الراحة للشغيلة الحماصنة بس عشر دقائق مو أكتر ؟ لأنه إذا عطوهم فترة راحة أطول لازم يرجعوا يفهموهم الشغل من اول وجديد.
• الحمصي لما بدو يفتح التلاجة بيفتحها شوي شوي ليش؟ بدو يشوف مين بشعل الضو.
• محافظ حمص جمــّـــع أهل حمص وقال : إذا فينا واحد غبي لازم نذبحه، نادى أول واحد وسأله: كم ؟ قال له: 8، اهل حمص كلهم بصوت واحد : اعطيه فرصه ثانيه.
• حمصي وقع عالدرج أعطاه الدكتور مرهم وقللو: بتدهن محل ما وقعت ، راح الحمصي ودهن الدرج.
• حمصي بليلة عرسه مو ملاقي شي يحكي فيه، قال لعروسته: أهلك بيعرفوا انك عندي؟
• واحد حمصي بحكي لصاحبو: ا اذا بتعرف زوجتي شو طابخة بعطيك نص الكوسايات ، قام قلو برغل.
• حمصي اشترى سماعات مسجلة،رجعهم ثاني يوم!! قالوله: ليه؟ قال:التنين فيهم نفس الأغنية.
• في مدرس سأل طالب حمصي بكرة انت لما تكبر شو بدك تصير؟ قلو: ختيار!
• قال في واحد حمصي نزل على الشام على منطقة المرجة فشاف ساعة المرجة فأعجب فيها اجا لعندو واحد شامي قللو "شو عجبتك". قللو "اي والله". قللو "تشتريها" قللو الحمصي "اي بأديش". قللو الشامي ب 30000 الف. قامم وافق الحمصي وعطاه المصاري. قللو الشامي خلليك هون رايح جيب السلم مشان نزلها وراح وهذا وش الضيف. رجع الحمصي على حمص وهو زعلان وقال لأخو القصة فنزل أخوه على الشام مشان ياخد بالتار راح على المرجة ووقف أمام الساعة آم شافو الشامي قللو شو عجبتك تشتريها ب 30000 ألف قللو الحمصي اي وعطاه المصاري قللو الشامي خليك هون لجيب السلم ، قام قللو الحمصي لا ماحزرت أنت ضل هون أنا رايح جيب السلم.

يسعدنا دوما أن نعرض لكم فيما يلي أروع بوستات منشورات فيس بوك مضحكة مكتوبة قابلة للنسخ وللمزيد يمكنك قراءة بوستات مضحكه مكتوبه للفيس بوك - بس هيك الجزء الثاني.