نقدم لكم قائمة تحتوي على بوستات مضحكة جدا للإختيار فيما بينهم، كلها مكتوبة قابلة للنسخ:

• لك بس بدي إفهم ليش بيحطو مدة الإنتهاء على قنينة مبيد الحشرات... خايفين عالصرصور يوجعو بطنو مثلاً بس هيك
• تحية لكل أنثى شفافها ومناخيرها وحواجبها طبيعيين.،لازم يحطوكن بمحمية لأنكن صرتو مهددين بالإنقراض بس هيك
• الله يعطيني فضاوة بال متل العالم يللي بتفيق وبتروح بتركض مع كلبها، أنا بفيق كأنو كلب لاحقني وهيك
• بأندونيسيا  اللي بيلطش بنت بيعلقوه نهار كامل عالشجرة. تخيلو هالعادة بالبلدان العربيه كل ما تسأل وين فلان؟ بالشارع التاني تالت شجرة على إيدك الشمال بس هيك.
• ما بيقهرني غير كلمة: إنتِ كتير حلوة من جوّا، إي والله عندي بنكرياس بيجنن وجوز كلاوي على كيف كيفك وهيك
• يللي بدو يحاسبني ع أغلاطي، بليز يحاسبني باليورو بس هيك
• هل تعلم أن الرجل أشدّ خجلاً من المرأة(ما شالله)، والدليل المرأة بتنشر بالعام وهوي بيجاوب بالخاص وهيك
• كان في مليون طريقة تدمرو فيها حياتكن.، بس إنتو اخترتو تتزوجو بس هيك
• كان نفسي إزعل بس مستوى ال I don’t care مرتفع عندي هالفترة
• لقيت وحدة كاتبة oxombilleh، لأول وهلة والله فكرتو دوا، بعدين استوعبت إنها عم تحلف، بس هيك
• ما بعرف ليه إديسون اخترع الكهربا والنساء يملأْن الكون نوراً، ياااااا رب سامحني آخر كذبة، بس هيك
• بالحياة فيك تكون ذكي وتهبلا، بس أوعى تكون أهبل و.تتذاكى. بس هيك
• ما في حدا مشغول، هني موجودين مع ناس أهم منك، خليك عم تقراها حتى عيونك يوجعوك، بس هيك
• في زاوية بآخر جهنم ع اليمين إسمها(بكرا ع اللبس بيرخي) بدو يقعد فيها كل بياعين الأحذية. بس هيك
• البنت الطويلة عند الأجانب بيعملوها عارضة أزياء، أما عنا ف بيخلوها تغير لمبات محروقة
• زبطلي أختها، عبارة بيقولها الشاب لما يشوف رفيقه ماشي مع بنت حلوة، لأ والأحلى من هيك بيصير يعيطلو عديلي
• لا تكثروا الردود في التعليقات فإنها تؤدي للماسنجر والعياذ بالله . بس هيك
• أنا ليش ما حدا جبلي سنسال وقللي ممنوع تشيليه، ما عندي رقبة مثلاً؟ بس هيك
• أنا بحكي اللي إلي واللي عليي، النسوان مش كل الوقت نكدين أوقات بينامو، هيك
• البنت اللي بتسأل الشاب إنت single؟ مسطولة إنتِ! كلن single حتى أبوكِ، بس هيك
• شو ناطر من شعب كل بوستاتو لطشات، وهوي عامل بلوك للملطوش ، وهيك
• أنا ما بقصدك إنت، أنا عم بحكي بشكل عام، جملة تستخدم بعد ما تشرشح اللي قدامك بشكل أفقي وعامودي، وهيك
• عندي سؤال ! ليش اللي باعنا وخسر دلعنا بيفتح الستوري تبعنا؟ بس هيك
• ما حدا إلو علينا جميلة يللي عاطينا تمر نحنا مضيفينو النخلة، وهيك
• عموماً رجعنا كل شخص لحجمه الطبيعي، وسطحنا العلاقات ، وبطلنا أساليب التعمق، وما عملنا غير الواجب، وهيك
• اللي ما بيتعدّل بيتبدّل، الدنيا مليانة ناس حلوة، وهيك
• كل النهار مخي فاضي إلا وقت بدي نام، حتى يللي سرق برايتي بالروضة بتذكرو، بس هيك
• ما تعمل حالك كتير فهمان قدام العالم ، ما منشان شي بس كرمال ما العين تطرقك
• بفرنسا بيحكو فرنسي وبأميركا بيحكو إنكليزي إلا عنا بيحكو ع بعض. بس هيك
• عم يجهزو لكذبة نيسان ع أساس الصدق دابحهن طول السنة، بس هيك