فى أول تعليق لها على الضجة التى أثارها البعض حول خلعها للحجاب، قالت الفنانة صابرين، إنها خلعت "التربون"، وليس الحجاب، معقبة : "أنا من يوم ما لبست الباروكة قلعت الحجاب .. أنا قلت إنى محتشمة مش محجبة".

وأوضحت صابرين، خلال مداخلة هاتفية مع الإعلامى عمرو أديب فى برنامج الحكاية، المذاع على قناة mbc مصر الفضائية، أنها جاهدت مع نفسها وقتا طويلا، وسألت نفسها كثيرا "أنا صح ولا غلط".. متابعة: "لكن السوشيال ميديا تعبتنى نفسيا، وأنا طول عمرى بعمل أدوار محترمة وربيت ولادى تربية محترمة".

وأضافت صابرين بعد أن أجهشت باكية: "إيه اللى عملته غلط عشان كل شوية أتشتم، الناس عمالة تكتب شتايم، كان فى حرب عليا.. ما ذنب أولادى .. ارتداء الحجاب أو خلعه أمر بينى وبين ربنا .. ربنا مش هيحاسبنا عشان حتة طرحة .. ربنا رحمن رحيم، سيبونى بقى .. لما أنزل القبر ربنا اللى هيحاسبنى، وواصلت: أنا قلعت بس التربونة، وربنا يكرمنى وأكون على قدر مستوى الحجاب، لافتة إلى أن أغرب تعليق كتب عنها هو "عملتى شعرك فين؟ هذا وتوالت الردود بعد عرض الفنانة صابرين، لصورة لها بدون جحاب على صفحتها على موقع إنستجرام، فعلقت الفنانة روجينا من خلال حسابها على إنستجرام قائلة: "ما شاء الله قمر يا صابرين".

فى حين قالت الفنانة نشوى مصطفى: "قمر يا صابرين تبارك الله، زى ما أنتى بالضبط أيام دورك فى أبوالعلا البشرى البنوتة الجميلة الطيوبة".وقال أحد المعجبين: "واو قمر 14 عمرك 14 سنة، ايه الجمال ده".