-->

كلمات أغنية فاضي شوية حمزة نمرة مع الفيديو كليب

 نقدم لكم الفيديو كليب الرسمي لأغنية 'فاضي شوية' لحمزة نمرة من ألبوم 'مولود سنة 80') مع كلمات الأغنية مكتوبة، والتي لاقت إعجاباً كبيراً وإقبالاً من الجمهور و المشاهدين و جميع متابعي الفنان عبر حساباته الرسمية على مختلف مواقع التواصل الاجتماعي.

و قد حققت الأغنية نجاحاً كبيراً بعد إطلاقها واشتهرت بشكل كبير في جميع أنحاء الوطن العربي ... إليكم كلمات أغنية فاضي شوية.

آه يا سلام
سيبنا الوقت يعدي أوام
ما حسبناش اللحظة الجاية
دا اسمه كلام
عيشنا العمر نربّي حمام
بس نسينا نقوم غيّة
وما يهمكش عادياسمع مني الساعة دي
مش وقت عتاب أو لوم
آه فيها إيه لو نرجع تاني
وبدل ما تكون وحداني
تسندني معاك ونقوم
فاضي شوية
نشرب قهوة في حتة بعيدة
إعزمني على نكتة جديدة
وخلّي حساب الضحك عليّا
فاضي شوية
نشرب قهوة في حتة بعيدة
إعزمني على نكتة جديدة
وخلّي حساب الضحك عليّا
دا احنا يا دوب
ما لحقناش نقرا المكتوب
علشان نلقى هموم وقسية
دا اسمه كلام
عيشنا العمر نربّي حمام
بس نسينا نقوم غيّة
عارفك مشغول ليام دي
ما انا زيك بس عندي
حكايات صعب أخبيها
واكمنك داري بحالي
مذاكرني وعارف مالي
مستني عشان أحكيها
فاضي شوية
نشرب قهوة في حتة بعيدة
إعزمني على نكتة جديدة
وخلّي حساب الضحك عليّا
فاضي شوية
نشرب قهوة في حتة بعيدة
إعزمني على نكتة جديدة
وخلّي حساب الضحك عليّا
موج الدنيا أناني وعالي
وانت لوحدك وانا لسه لي
عمر هعيشه معاك لو يوم
ماشي براحتك بس راهني
على يوم منّك وسنين مني
إنك ما بتعرفش تعوم
وما يهمكش عادي
اسمع مني الساعة دي
مش وقت عتاب أو لوم
آه فيها إيه لو نرجع تاني
وبدل ما تكون وحداني
تسندني معاك ونقوم
فاضي شوية
نشرب قهوة في حتة بعيدة
إعزمني على نكتة جديدة
وخلّي حساب الضحك عليّا
فاضي شوية
دا انا واحشاني القعدة معاك
وان ما قدرتش تيجي هناك
هستناك المرة الجاية
فاضي شوية
نشرب قهوة في حتة بعيدة
إعزمني على نكتة جديدة
وخلّي حساب الضحك عليّا
فاضي شوية
دا انا واحشاني القعدة معاك
وان ما قدرتش تيجي هناك
هستناك المرة الجاية